.jpg)
നെടുംകുന്നം സെന്‍റ് ജോണ്‍ ദ ബാപ്റ്റിസ്റ്റ് ഫൊറോനാപ്പള്ളിയുടെ പതിനാലാം സ്ഥലത്തിന്‍റെ താഴെയുള്ള കല്‍ക്കുരിശിന് സമീപത്തെ നേര്‍ച്ചക്കുറ്റിയുടെ താഴു തകര്‍ത്ത് പണം കവര്‍ന്നു. ജനുവരി രണ്ട് ബുധനാഴ്ച്ച രാത്രിയാണ് നേര്‍ച്ചക്കുറ്റിയുടെ താഴ് അറുത്തു മാറ്റി കവര്‍ച്ച നടത്തിയത്.
ഒരാഴ്ച്ച മുന്‍പ് പള്ളി അധികൃതര്‍ നേര്‍ച്ചപ്പെട്ടിയിലെ പണം എടുത്തിരുന്നു. എങ്കിലും മൂവായിരത്തോളം രൂപ നഷ്ടപ്പെട്ടതായി കണക്കാക്കപ്പെടുന്നു. വഴിയാത്രക്കാരും കല്‍ക്കുരിശിനു സമീപം വൈകുന്നേരങ്ങളില്‍ പ്രാര്‍ത്ഥിക്കാനെത്തുന്നവരും ഈ നേര്‍ച്ചപ്പെട്ടിയില്‍ പണമിടാറുണ്ട്.
കറുകച്ചാല്‍ പോലീസ് കേസെടുത്തു. 2012 ജൂലൈയില്‍ നെടുംകുന്നം പള്ളിയിലെ കറുകച്ചാല്‍ കുരിശടിയിലെ നേര്‍ച്ചക്കുറ്റിയില്‍നിന്നും പണം കവര്‍ന്നിരുന്നു.
No comments:
Post a Comment