കോട്ടയം ജില്ലയിലെ മികച്ച വില്ലേജ് ഓഫീസര്ക്കുള്ള പുരസ്കാരം നെടുംകുന്നം വില്ലേജ് ഓഫീസര് പി.ഡി സുരേഷ് കുമാര് ആഭ്യന്തര വകുപ്പ് മന്ത്രി തിരുവഞ്ചൂര് രാധാകൃഷ്ണനില് നിന്നും ഏറ്റുവാങ്ങി. ഇന്ന്(ഫെബ്രുവരി 24) രാവിലെ കോട്ടയം മാമ്മന് മാപ്പിള ഹാളില് നടന്ന സംസ്ഥാനതല റവന്യൂ ദിനാചരണച്ചടങ്ങിലാണ് പുരസ്കാരം സമ്മാനിച്ചത്.
കെട്ടിടനികുതി പിരിവ്, റവന്യൂ റിക്കവറി തുടങ്ങിയ മേഖലകളിലെ പ്രവര്ത്തന മികവാണ് കഴിഞ്ഞ രണ്ടു വര്ഷമായി നെടുംകുന്നം വില്ലേജ് ഓഫീസറായി പ്രവര്ത്തിക്കുന്ന സുരേഷ് കുമാറിന് ജില്ലയിലെ മികച്ച വില്ലേജ് ഓഫീസര്മാരുടെ പട്ടികയില് ഇടം നേടിക്കൊടുത്തത്. പി.കെ. രമേശന്(വടയാര്), ഷാജി ജോസഫ്(മണിമല) എന്നിവരാണ് ജില്ലയില് പുരസ്കാരം നേടിയ മറ്റ് വില്ലേജ് ഓഫീസര്മാര്.
തോട്ടയ്ക്കാട് പുത്തന്പുരയില് കുടുംബാഗമാണ് സുരേഷ്കുമാര്. ഭാര്യ ബിന്ദു എസ്. നായര് കനറ ബാങ്ക് കോഴഞ്ചേരി ശാഖാ മാനേജരാണ്. മക്കള്ഃ നീരജ, നിഥിന് കാര്ത്തിക്ക്(ഇരുവരും തെങ്ങണ ഗുഡ് ഷെപ്പേഡ് സ്കൂള് വിദ്യാര്ഥികള്)