.jpg)
കറുകച്ചാല്‍ ബസ് സ്റ്റാന്‍ഡിനുള്ളിലെ ജെസി ബേക്കറി കുത്തിത്തുറന്ന് മോഷണം നടത്തിയ യുവാവിനെ പോലീസ് പിടികൂടി. മാന്തുരുത്തി മൂലേക്കുന്ന് ചുണ്ടമണ്ണില്‍ ജോസഫ് ജേക്കബി(29) നെയാണ് കറുകച്ചാല്‍ പോലീസ് പിടികൂടിയത്. നെടുംകുന്നം പെരുമ്പാല്‍ ജോയിച്ചന്‍റെ (ജോയി കുര്യന്‍) ഉടമസ്ഥതയിലുള്ളതാണ് ബേക്കറി.
ബേക്കറിയുടെ താഴ് തകര്‍ത്ത് അകത്ത് കയറിയ ഇയാള്‍ മോഷ്ടിച്ച സാധനങ്ങള്‍ ചാക്കിലാക്കി സൈക്കിളില്‍ വച്ചുകെട്ടി വാഴൂര്‍ റോഡിലൂടെ പുലര്‍ച്ചെ നാലുമണിയോടെ വീട്ടിലേക്ക് പോകുമ്പോള്‍ മാന്തുരുത്തി ജനതാ സോമില്ലിന്‍റെ മുന്നില്‍ കറുകച്ചാല്‍ പോലീസ് പട്രോളിംഗ് സംഘത്തില്‍ മുന്നില്‍പ്പെടുകയായിരുന്നു. സംശയം തോന്നി ചോദ്യം ചെയ്തപ്പോഴാണ് മോഷണ വിവരം പുറത്തായത്. പ്രതിയുടെ കൈയില്‍ നിന്ന് ബേക്കറി സാധനങ്ങളും ആയിരത്തോളം രൂപയും പൂട്ടു തകര്‍ക്കാനുപയോഗിച്ച ആയുധങ്ങളും കണ്ടെത്തി.
മുന്‍പ് കറുകച്ചാലിലെ ആറോളം കടകളില്‍ ഇയാള്‍ മോഷണം നടത്തിയിട്ടുണ്ട്.
(വാര്‍ത്തയ്ക്ക് കടപ്പാട്-ദീപിക.കോം)
No comments:
Post a Comment