.jpg)
ക്രിസ്മസിനോടനുബന്ധിച്ച് നെടുംകുന്നം സെന്‍റ് ജോണ്‍ ദി ബാപ്റ്റിസ്റ്റ് ഫൊറോനാപ്പള്ളിയില്‍ സി.വൈ.എം.എ ഒരുക്കിയ പുല്‍ക്കൂടിന്‍റെ വിസ്മയക്കാഴ്ച്ചകള്‍ ഇങ്ങനെ പോകുന്നു. ദിവസങ്ങള്‍ നീണ്ട പ്രയത്നത്തനൊടുവിലാണ് സി.വൈ.എം.എ സംഘം പുല്‍ക്കൂട് യാഥാര്‍ത്ഥ്യമാക്കിയത്.
മഞ്ഞില്‍ പൊതിഞ്ഞ മരവും അതില്‍ തൂങ്ങിയ വള്ളികളും മഞ്ഞുപുതച്ച കാഴ്ച്ചകള്‍ക്ക് പൂര്‍ണതയേകുന്നു. ഡിസംബര്‍ 24ന് അര്‍ധരാത്രി നടന്ന ക്രിസ്മസ് ശുശ്രൂഷയില്‍ പള്ളിവികാരി ഫാ. മാത്യു പുത്തനങ്ങാടി പുല്‍ക്കൂട്ടില്‍ ഉണ്ണിയേശുവിന്‍റെ തിരുസ്വരൂപം വച്ചു. രാത്രിയും രാവിലെയും വിശുദ്ധ കുര്‍ബാനയ്ക്കുശേഷം പുല്‍ക്കൂട് കാണാന്‍ വന്‍ തിരക്ക് അനുഭവപ്പെട്ടു.
വര്‍ഷങ്ങളായി പള്ളിയിലെ പുല്‍ക്കൂട് നിര്‍മ്മിക്കുന്നത് സി.വൈ.എം.എ അംഗങ്ങളാണ്. ഓരോ വര്‍ഷവും തികച്ചും വിഭിവന്നമായ ആശങ്ങളുടെ പിന്‍ബലവുമായാണ് പുല്‍ക്കൂട് യാഥാര്‍ത്ഥ്യമാക്കുന്നത്. മുന്‍പ് ഭീമന്‍ നക്ഷത്രത്തിനുള്ളിലും അരയാല്‍ ഇലയിലും മെഴുകുതിരിയിലും പായ് വഞ്ചിയിലുമൊക്കെ തിരുപ്പിറവി ദൃശ്യവത്കരിച്ചിട്ടുണ്ട്.
ഒരിക്കല്‍കൂടി ആകര്‍ഷകമായ പുല്‍ക്കൂടൊരുക്കിയ സി.വൈ.എം.എ സംഘത്തിന് നെടുംകുന്നം നാട്ടുവിശേഷത്തിന്‍റെ അഭിനന്ദനങ്ങള്‍!
No comments:
Post a Comment