.jpg)
നെടുംകുന്നം സെന്റ് ജോണ്‍ ദി ബാപ്റ്റിസ്റ്റ് ഫൊറോനാപ്പള്ളിയില്‍ പരിശുദ്ധ വ്യാകുലമാതാവിന്റെ ദര്‍ശനത്തിരുന്നാള്‍ 2011 ഫെബ്രുവരി 11 മുതല്‍ 14 വരെ ആഘോഷിക്കും. ഒരു പ്രസുദേന്തി തിരുന്നാള്‍ ഏറ്റെടുത്തു നടത്തുന്ന പതിവില്‍നിന്നു വ്യത്യസ്തമായി ഇക്കുറി പള്ളിപ്പിടി കൂട്ടായ്മയാണ് തിരുന്നാളിന്റെ ചുമതല വഹിക്കുന്നത് പള്ളിപ്പടിയിലെ വ്യാപരികളും നിത്യേന ഇവിടെ എത്തുന്ന നാട്ടുകാരും പരിസരവാസികളും എല്ലാവരും തിരുന്നാള്‍ ആഘോഷത്തിനായി കൈകോര്‍ത്തിരിക്കുകയാണ്.
പ്രസുദേന്തിയുടെ വീട്ടില്‍നിന്നും പള്ളിയിലേക്കുള്ള പ്രദക്ഷിണത്തിനു പകരം സെന്റ് തെരേസാസ് ഗേള്‍സ് ഹൈസ്കൂളില്‍നിന്നാണ് 12 ന് വൈകുന്നേരത്തെ പ്രക്ഷിണം തുടങ്ങുന്നത്. പ്രദക്ഷിണം പള്ളിയിലെത്തുന്നതിനു തൊട്ടു മുന്‍പ് പള്ളിപ്പടിയില്‍ തിരുന്നാള്‍ പ്രസംഗം നടക്കും. ഫാ. മാത്യു ചൂരവടി(ജൂണിയര്‍ ) ആണ് പ്രസംഗകന്‍ . 12ന് വൈകുന്നേരം കരിമരുന്ന് കലാപ്രകടനവും 13ന് വൈകുന്നേരം തിരുവനന്തപുരം ഗീതാഞ്ജലിയുടെ നാടകവും(അമ്മയ്ക്ക് സ്വന്തം മകന്‍ ) നടക്കും.
തിരുന്നാള്‍ തിരുക്കര്‍മ്മങ്ങളില്‍ പങ്കെടുത്ത് മാതാവിന്‍റെ മാധ്യസ്ഥംവഴി അനുഗ്രഹങ്ങള്‍ പ്രാപിക്കുന്നതിന് എല്ലാവരെയും ക്ഷണിക്കുന്നു.
സ്നേഹത്തോടെ
പള്ളിപ്പടി കൂട്ടായ്മ
തിരുന്നാളിന്റെ നോട്ടീസ് ഇന്ന് (ജനുവരി 30 ഞായര്‍ ) വിതരണം ചെയ്തു തുടങ്ങി. നോട്ടീസ് താഴെ അറ്റാച്ച് ചെയ്തിരിക്കുന്നു.
No comments:
Post a Comment