.jpg)
നെടുംകുന്നം സെന്‍റ് ജോണ്‍ ദ ബാപ്റ്റിസ്റ്റ് ഫൊറോനാ ദേവാലയത്തിന്‍റെ മുഖവാരത്തിന്‍റെ(മണിമാളികള്‍ ഉള്‍പ്പെടെയുള്ള മുന്‍ഭാഗം) നവീകരണ ജോലികള്‍ ആരംഭിച്ചു. ചങ്ങനാശേരി കുരിശുംമൂട് മാതാ കണ്‍സ്ട്രക്ഷന്‍സാണ് എട്ടു ലക്ഷം രൂപയുടെ കരാറിന് നവീകരണ പ്രവര്‍ത്തനങ്ങള്‍ നടത്തുന്നത്.
മുഖവാരം, ക്രാസികള്‍, ആര്‍ട്ട് വര്‍ക്കുകള്‍, തകരാറിലായ ബോര്‍ഡറുകള്‍ ഇവ പുതിക്കിപ്പണിയുകയാണ് നവീകരണംകൊണ്ട് ഉദ്ദേശിക്കുന്നത്. മുഖവാരത്തിന്‍റെ പല ഭാഗങ്ങളും പ്രത്യേകിച്ച് മുകള്‍ ഭാഗം കാലപ്പഴക്കംകൊണ്ട് തകരാറിലാണെന്നു കണ്ടെത്തിയതിനെത്തുടര്‍ന്ന് ആദ്യം പാരിഷ് കൗണ്‍സിലും തുടര്‍ന്ന് പൊതുയോഗവും നവീകരണ ജോലികള്‍ നടത്താന്‍ തീരുമാനിക്കുകയായിരുന്നു. പഴയ തേപ്പ് പൊളിച്ചുമാറ്റിയശേഷം ആകൃതിക്കും ശില്‍പ്പഭംഗിക്കും മാറ്റം വരുത്താതെ ഇപ്പോഴത്തെ രീതിയില്‍തന്നെ പുതുക്കിപ്പണിയുകയാണ് പ്രധാന ജോലി. കരാര്‍ പ്രകാരം 2011 ഏപ്രില്‍ 15നു മുന്‍പ് നവീകണ ജോലികള്‍ പൂര്‍ത്തിയാക്കേണ്ടതുണ്ട്.മാത്യു പുളിക്കപ്പറന്പില്‍(സീനിയര്‍) വികാരിയായിരിക്കെ 1936ലാണ് ഇപ്പോഴത്തെ വലിയ പള്ളിയുടെ നിര്‍മാണം ആരംഭിച്ചത്. 1940 നവംബര്‍ 28ന് അന്നത്തെ ചങ്ങനാശേരി മെത്രാന്‍ മാര്‍ ജെയിംസ് കാളാശേരി പള്ളിയുടെ കൂദാശാകര്‍മം നിര്‍വഹിച്ചു. പതിനായിരം രൂപയായിരുന്നു നിര്‍മാണത്തിന്‍റെ എസ്റ്റിമേറ്റ്. നിര്‍മാണ സാമഗ്രികള്‍ക്ക് വിലക്കയറ്റം ഉണ്ടായതിനെത്തുടര്‍ന്ന് പണി പൂര്‍ത്തിയാക്കാന്‍ പതിനയ്യായിരത്തോളം രൂപ വേണ്ടിവന്നതായി പള്ളി രേഖകള്‍ വ്യക്തമാക്കുന്നു
No comments:
Post a Comment