.jpg)
വാര്‍ത്ത മലയാള മനോരമ(ഡിസംബര്‍ 19,2013)
പാറമടകള്‍ക്കെതിരെ പരിസര വാസികളുടെയും വഴിയാത്രക്കാരുടെയും പ്രതിഷേധം വ്യാപകമാകുന്നതിനിടയില്‍ നെടുംകുന്നത്തെ ഒരു പാറമടയുടെ പ്രവര്‍ത്തനത്തിനു നിരോധനം. പള്ളിപ്പടിക്ക് സമീപം കാവനാല്‍കടവ് റോഡരികിലുള്ള മടയിലെ ഖനന പ്രവര്‍ത്തനങ്ങളാണ് ഖനനഭൂവിജ്ഞാന വകുപ്പ് ജില്ലാ ഓഫിസ് തടഞ്ഞത്.
സുരക്ഷയ്ക്ക് ഭീഷണി ഉയര്‍ത്തുന്ന മടയുടെ പ്രവര്‍ത്തനം തടയണമെന്ന് ആവശ്യപ്പെട്ട് പരിസരവാസികള്‍ നേരത്തെ വകുപ്പിനും ജില്ലാ കലക്ടര്‍ക്കും സുതാര്യ കേരളം ജില്ലാ സെല്ലിലും പരാതി നല്‍കിയിരുന്നു. സമീപത്തെ വീടുകള്‍ക്കു കേടുപാടുകള്‍ ഉണ്ടാവുകയും ജലാശയങ്ങള്‍ മലിനമാവുകയും ആളുകള്‍ക്ക് ശ്വാസകോശ സംബന്ധമായ അസ്വസ്ഥതകള്‍ ബാധിക്കുകയും ചെയ്തതിനെ തുടര്‍ന്നാണ് പാറമടയ്‌ക്കെതിരെ ജനങ്ങള്‍ രംഗത്തിറങ്ങിയത്.
പാറമടക്ക് ഈ മാസം പത്ത് വരെയാണ് പെര്‍മിറ്റ് അനുവദിച്ചിരുന്നത്. ഖനനം അനുവദിച്ചിരുന്ന സ്ഥലത്തിന്റെ ആഴം ഇരുപതടിയിലേറെ ആയതായും പരാതികാരുടെ വീടുകള്‍ക്ക് കേടുപാടുകള്‍ സംഭവിച്ചതായും പരിശോധനയില്‍ സ്ഥിരീകരിച്ചതായും ഖനനഭൂവിജ്ഞാന വകുപ്പിന്‍റെ നിരോധനം സംബന്ധിച്ച നോട്ടീസില്‍ വ്യക്തമാക്കിയിട്ടുണ്ട്.
നാല് സ്‌കൂളുകളും ബിഎഡ് കോളജും ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ പ്രവര്‍ത്തിക്കുന്ന മേഖലയില്‍ ഒന്നര കിലോ മീറ്റര്‍ ചുറ്റളവിനുള്ളില്‍ ഏഴ് പാറമടകള്‍ പ്രവര്‍ത്തിക്കുന്നുണ്ട്. ഇവയില്‍ പല മടകള്‍ക്കെതിരെയും പരാതികള്‍ ഉണ്ട്. വീതി കുറഞ്ഞ പള്ളിപ്പടി-കുളങ്ങര റോഡിലെ രണ്ട് മടകളിലേക്കും തിരിച്ചും ഉള്ള ടിപ്പര്‍ ലോറികളുടെ പാച്ചില്‍ റോഡരുകില്‍ താമസിക്കുന്നവരുടെ സ്വൈര്യ ജീവിതത്തിനും ഭീഷണിയാണെന്ന് ആക്ഷേപമുണ്ട്.
പാറമടകള്‍ക്കെതിരെ പരിസര വാസികളുടെയും വഴിയാത്രക്കാരുടെയും പ്രതിഷേധം വ്യാപകമാകുന്നതിനിടയില്‍ നെടുംകുന്നത്തെ ഒരു പാറമടയുടെ പ്രവര്‍ത്തനത്തിനു നിരോധനം. പള്ളിപ്പടിക്ക് സമീപം കാവനാല്‍കടവ് റോഡരികിലുള്ള മടയിലെ ഖനന പ്രവര്‍ത്തനങ്ങളാണ് ഖനനഭൂവിജ്ഞാന വകുപ്പ് ജില്ലാ ഓഫിസ് തടഞ്ഞത്.
സുരക്ഷയ്ക്ക് ഭീഷണി ഉയര്‍ത്തുന്ന മടയുടെ പ്രവര്‍ത്തനം തടയണമെന്ന് ആവശ്യപ്പെട്ട് പരിസരവാസികള്‍ നേരത്തെ വകുപ്പിനും ജില്ലാ കലക്ടര്‍ക്കും സുതാര്യ കേരളം ജില്ലാ സെല്ലിലും പരാതി നല്‍കിയിരുന്നു. സമീപത്തെ വീടുകള്‍ക്കു കേടുപാടുകള്‍ ഉണ്ടാവുകയും ജലാശയങ്ങള്‍ മലിനമാവുകയും ആളുകള്‍ക്ക് ശ്വാസകോശ സംബന്ധമായ അസ്വസ്ഥതകള്‍ ബാധിക്കുകയും ചെയ്തതിനെ തുടര്‍ന്നാണ് പാറമടയ്‌ക്കെതിരെ ജനങ്ങള്‍ രംഗത്തിറങ്ങിയത്.
പാറമടക്ക് ഈ മാസം പത്ത് വരെയാണ് പെര്‍മിറ്റ് അനുവദിച്ചിരുന്നത്. ഖനനം അനുവദിച്ചിരുന്ന സ്ഥലത്തിന്റെ ആഴം ഇരുപതടിയിലേറെ ആയതായും പരാതികാരുടെ വീടുകള്‍ക്ക് കേടുപാടുകള്‍ സംഭവിച്ചതായും പരിശോധനയില്‍ സ്ഥിരീകരിച്ചതായും ഖനനഭൂവിജ്ഞാന വകുപ്പിന്‍റെ നിരോധനം സംബന്ധിച്ച നോട്ടീസില്‍ വ്യക്തമാക്കിയിട്ടുണ്ട്.
നാല് സ്‌കൂളുകളും ബിഎഡ് കോളജും ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ പ്രവര്‍ത്തിക്കുന്ന മേഖലയില്‍ ഒന്നര കിലോ മീറ്റര്‍ ചുറ്റളവിനുള്ളില്‍ ഏഴ് പാറമടകള്‍ പ്രവര്‍ത്തിക്കുന്നുണ്ട്. ഇവയില്‍ പല മടകള്‍ക്കെതിരെയും പരാതികള്‍ ഉണ്ട്. വീതി കുറഞ്ഞ പള്ളിപ്പടി-കുളങ്ങര റോഡിലെ രണ്ട് മടകളിലേക്കും തിരിച്ചും ഉള്ള ടിപ്പര്‍ ലോറികളുടെ പാച്ചില്‍ റോഡരുകില്‍ താമസിക്കുന്നവരുടെ സ്വൈര്യ ജീവിതത്തിനും ഭീഷണിയാണെന്ന് ആക്ഷേപമുണ്ട്.
No comments:
Post a Comment