.jpg)
തലക്കെട്ടു വായിക്കുമ്പോള്‍ ഏതു മലയന്‍? എന്തു മലയന്‍ വിചാരിക്കുന്നോരൊണ്ടാകും. പക്ഷെ, ഇതോടൊപ്പമുള്ള നവദമ്പതികളുടെ പടം ശ്രദ്ധിച്ചാല്‍ കക്ഷിയെ പിടികിട്ടും.
എന്നിട്ടും കണ്‍ഫ്യൂഷന്‍ തീര്‍ക്കണമേന്നു പാടുന്നോര്‍ക്കുവേണ്ടി, മലയനെ അറിയാത്തോര്‍ക്കുവേണ്ടി രണ്ടു വരി; പള്ളിപ്പടിയിലെ ആദ്യത്തെ കച്ചവടക്കാരനാണ് മലയന്‍. എന്നുവച്ചാല്‍ പുരാതനകാലത്ത് പള്ളിപ്പടീല് ആദ്യം കച്ചോടം തൊടങ്ങിയ ആളെന്നല്ല അര്‍ത്ഥം. ഭൂമിശാസ്ത്രം വച്ചു പറഞ്ഞതാ. ഇപ്പം, പടിഞ്ഞാറൂന്ന് വരുമ്പം നമ്മടെ പള്ളിപ്പടീലെ ആദ്യമിരിക്കുന്ന കടേടെ, അതായത് കുരിശടിയുടെ ഏറ്റവും അടുത്തുള്ള പള്ളിക്കെട്ടിടത്തിലെ ആദ്യത്തെ കടേടെ നടത്തിപ്പുകാരനാണ് തമിഴ്‌നാട്ടിലെ തേനി ജില്ലയിലെ ലക്ഷ്മിപുരത്തുനിന്നുള്ള ഈ 34 കാരന്‍.
അതിപ്പം എന്ന വല്യ കാര്യവാണോ? മലയന്റെ കല്യാണം ഇത്ര ആഘോഷിക്കാനെന്നായിരിക്കുന്നു എന്ന ചോദ്യം ന്യായം. തമിഴ്‌നാട്ടുകാരനാണെങ്കിലും ഇപ്പം മലയനില്ലാതെ പള്ളിപ്പടിയില്ല. 20 വര്‍ഷം മുമ്പ് ഈ കട നടത്തീരുന്ന പതാലില്‍ ബേബിച്ചന്റെ സഹായിയാണ് അഴക്മലൈ- ചെല്ലമ്മ ദമ്പതികളുടെ മകനായ മലയന്‍ എന്നു വിളിക്കപ്പെടുന്ന ചോലൈമലൈ ഇവിടെ എത്തിയത്.
വേറിട്ട പെരുമാറ്റോം എടപെടലും നിറഞ്ഞ പുഞ്ചിരീമൊക്കെച്ചേര്‍ന്ന മലയന്‍ ടച്ച് വൈകാതെ ഹിറ്റായി. അതുകൊണ്ടുതന്നെ പുള്ളിക്കാരന്‍ സെന്റ് ജോണ്‍സ് സ്‌കൂളിലെ വിദ്യാര്‍ഥികളുടെയും പള്ളിപ്പടിയില്‍ ദിവസോം വന്നുപോകുന്ന അനേകം നാട്ടുകാരടേം സുഹൃത്തായി മാറി.
ഏതാനും വര്‍ഷമായി മലയന്‍ തനിച്ചാണ് കട നടത്തുന്നത്. ഇത്രേം കാലത്തിനിടെ പള്ളിക്കല്‍ സ്‌കൂളില്‍ പഠിച്ച എത്രയോ പയ്യമ്മാര്, പ്രത്യേകിച്ച് ഈ പോസ്റ്റ് വായിക്കുന്നോര് മലയന്റെ കടേല് കയറിയെറങ്ങീരിക്കുന്നു? എത്രയോ പിള്ളേരുടെ ഉഡായിപ്പുകള്‍ മലയന്‍ കണ്ടിരിക്കുന്നു? ഇതെല്ലാംകൂടി കണക്കിലെടുക്കുമ്പം മലയന്റെ കല്യാണം നമ്മക്ക് വാര്‍ത്തയാക്കാതിരിക്കാമ്പറ്റുവോ?
മാര്‍ച്ച് 29ന് നാട്ടിലായിരുന്നു മലയന്റെ കല്യാണം. ഭാര്യ തേനി വായ്ക്കാപ്പാറ സ്വദേശിനി ഈശ്വരി. ഏപ്രില്‍ ഒന്നിന് നാട്ടിലെത്തി പള്ളി ഓഡിറ്റോറിയത്തില്‍ നാട്ടുകാര്‍ക്കുവേണ്ടി ഒരു സല്‍ക്കാരോം നടത്തി.
മലയനും ഈശ്വരിക്കും നെടുംകുന്നം നാട്ടുവിശേഷത്തിന്‍റെ മംഗളാംശകള്‍ നേരാന്‍ വൈകിപ്പോയി എന്നത് സത്യം. പക്ഷെ എന്നാ പറയാനാ, രണ്ടുപേരുംകൂടെ നിക്കുന്ന ഒരു പടം കിട്ടീട്ട് പോസ്റ്റാവെന്നു വിചാരിച്ചിരിക്കുവാരുന്നു. അത് ഇന്ന് മലയന്‍ പോസ്റ്റുചെയ്തു. അതുകൊണ്ട് ഇത് ഞങ്ങള് ഇപ്പം പോസ്റ്റു ചെയ്യുന്നു.
മലയാ..മംഗളാശംസകള്…
No comments:
Post a Comment