.jpg)
സത്യം! ശരിക്കും ഒള്ള കാര്യവാ പറഞ്ഞത്. പള്ളിക്കല് പരീക്ഷയെഴുതിയ ഒറ്റക്കുഞ്ഞില്ലാത്തെ എല്ലാരും ജയിച്ച് നൂറുശതമാനം നേടി. ഒള്ളതു പറഞ്ഞാല്‍ സ്കൂളിന്‍റെ ചരിത്രത്തില്‍ ആദ്യത്തെ നേട്ടം! ഇത്രേംകാലം ഇവിടെ പഠിച്ച, പഠിപ്പിച്ച, ജോലി ചെയ്ത എല്ലാര്‍ക്കും അഭിമാനിക്കാം.
182 പിള്ളാരാണ് ഇത്തവണ പരീക്ഷയെഴുതിയത്. അതുകൊണ്ടുതന്നെ സംഗതി ചെറിയ കാര്യവല്ല. ഇതില് ഒരാള്‍ക്ക് എല്ലാ വിഷയത്തിനും എ പ്ലസ് കിട്ടി-പുലിക്കല്ല് സ്‌കൂളിലെ ഹെഡ്മാസ്റ്ററും നെടുംകുന്നം സ്വദേശിയുമായ ഇലഞ്ഞിപ്പുറത്ത് രാജൂസാറിന്‍റെയും നെടുംകുന്നം സെന്‍റ് തെരേസാസ് സ്കൂളില് പഠിപ്പിക്കുന്ന സെലിനാമ്മേടേം മോന്‍ നിര്‍മ്മല്‍ രാജിന്. മുന്‍പ് പള്ളിക്കല് സ്കൂളിലാണ് രാജൂസാര്‍ പഠിപ്പിച്ചിരുന്നത്.
അഞ്ചു പേര്‍ക്ക് ഒരു വിഷയത്തനൊഴികെ എല്ലാത്തിനും എ പ്ലസ് കിട്ടി. ചരിത്ര വിജയം നേടിയ മിടുക്കന്‍മാര്‍ക്കും പരീക്ഷയ്ക്കായി പിള്ളാരെ ഒരുക്കുന്നതിന് നേതൃത്വം കൊടുത്ത പഴയ ഹെഡ്മാസ്റ്റര്‍ ജോസഫ് ആന്റണിക്കും ഇപ്പഴത്തെ ഹെഡ്മാസ്റ്റര്‍ ടി.ഡി. ജോസുകുട്ടിക്കും സ്‌കൂളിലെ അധ്യാപകര്‍ക്കും അനധ്യാപകര്‍ക്കും നെടുംകുന്നം നാട്ടുവിശേഷത്തിന്‍റെ അഭിനന്ദനങ്ങള്‍.
പള്ളിക്കലെ കാര്യം പറഞ്ഞു. അപ്പം മഠത്തിലും സര്‍ക്കാര്‍ സ്‌കൂളിലും എന്താണ് സ്ഥിതി? അവിടെ രണ്ടെടത്തുംകൂടി നൂറു ശതമാനം കിട്ടീരുന്നേല്‍ നമ്മക്ക് നാട്ടുകാര്‍ക്ക് അര്‍മ്മാദിക്കാരുന്നു. പക്ഷെ, മഠത്തില് ഒരു കൊച്ചുമാത്രം തോറ്റുപോയി. ആകെ 192 പേരാണ് പരീക്ഷയെഴുതിയത്. സര്‍ക്കാര്‍ സ്കൂളില് 31 പേര്‍ എഴുതിയതില്‍ രണ്ടുപേരു തോറ്റു. എങ്കിലും ഈ രണ്ട് സ്‌കൂളുകളുടെയും പ്രകടനം മോശമെന്ന് പറയാമ്പറ്റില്ല. രണ്ടിടത്തെയും ടീച്ചര്‍മാര്‍ക്കും കുട്ടികള്‍ക്കും അഭിനന്ദനങ്ങള്‍.
No comments:
Post a Comment