നെടുംകുന്നത്തിന് സ്വാതന്ത്ര്യദിനസമ്മാനം

നെടുംകുന്നത്ത് ജനിച്ച്,  കീര്‍ത്തിചക്ര ബഹുമതി നേട്ടത്തോളം വളര്‍ന്ന ലഫ്റ്റനന്റ് കമാന്‍ഡര്‍ അഭിലാഷ് ടോമിക്ക് നെടുംകുന്നം നാട്ടുവിശേഷത്തിന്റെ കുന്നോളം അഭിനന്ദനങ്ങള്‍!!!

പായ്ക്കപ്പലില്‍ ലോകം ചുറ്റിയ ആദ്യത്തെ ഇന്ത്യക്കാരനും രണ്ടാമത്തെ ഏഷ്യക്കാരനും എന്ന നേട്ടം കൈവരിച്ചതാണ് അഭിലാഷിനെ കീര്‍ത്തിചക്ര ബഹുമതിക്ക് അര്‍ഹനാക്കിയത്. 
യുദ്ധമുഖത്തല്ലാതെ നടത്തുന്ന ധീരമായ പോരാട്ടത്തിന് നല്‍കപ്പെടുന്ന രണ്ടാമത്തെ പ്രധാന സൈനികബഹുമതിയാണ് കീര്‍ത്തി ചക്ര. സൈനികര്‍ക്കും സാധാരണ പൗരന്മാര്‍ക്കും ഈ ബഹുമതി നല്‍കാറുണ്ട്. 1967ന് മുമ്പ് അശോകചക്ര ക്ലാസ് -2 എന്നാണ് ഇത് അറിയപ്പെട്ടിരുന്നത്. 

നെടുംകുന്നം സി.വൈ.എം.എയുടെ ആഭിമുഖ്യത്തില്‍ 2013  മെയ് 21ന്  അഭിലാഷിന് നല്‍കിയ ഉജ്ജ്വല സ്വീകരണത്തിന്റെ ഓര്‍മ്മകള്‍ മായുംമുമ്പേയാണ് നാടിന് ആഹ്ലാദം പകര്‍ന്ന് ഏതാനും മിനിറ്റു മുമ്പേ കീര്‍ത്തി ചക്ര ബഹുമതി വാര്‍ത്തയെത്തിയത്. നാട്ടുകാര്‍ക്ക് മധുരം വിതരണം ചെയത് സി.വൈ.എം.എ പ്രവര്‍ത്തകര്‍ അഭിലാഷിന്റെ നേട്ടം ആഘോഷിച്ചു. 

നെടുംകുന്നം പുത്തന്‍പറമ്പില്‍ പരേതനായ പി.ജെ. ഫിലിപ്പ്-അന്നമ്മ ദമ്പതികളുടെ മകള്‍  വത്സമ്മയുടെയും-ചേന്നങ്കരി വല്യാറ വി.സി ടോമിയുടെയും മകനാണ് അഭിലാഷ് ജനിച്ചത് നെടുംകുന്നത്താണ്. പുത്തന്‍പറമ്പില്‍ കുടുംബാംഗങ്ങള്‍ക്ക് നെടുംകുന്നം നാട്ടുവിശേഷത്തിന്റെ പ്രത്യേക അഭിനന്ദനങ്ങള്‍.

അഭിലാഷിന് നെടുംകുന്നത്ത് നല്‍കിയ സ്വീകരണവുമായി ബന്ധപ്പെട്ട് നെടുംകുന്നം നാട്ടുവിശേഷം നേരത്തെ പ്രസിദ്ധീകരിച്ച പോസ്റ്റുകള്‍ വായിക്കാന്‍ താഴെ കാണുന്ന ലിങ്കുകളില്‍ ക്ലിക്ക് ചെയ്യുക.

ലിങ്ക് 1

ലിങ്ക് 2

ലിങ്ക് 3