.jpg)
പാചാക വാതക സബ്സിഡിക്ക് ആധാര്‍ നന്പര്‍ നിര്‍ബന്ധമാണെന്ന് കേന്ദ്ര കേന്ദ്ര പെട്രോളിയം മന്ത്രാലയം വ്യക്തമാക്കി. അപ്പം സബ്സിഡിക്ക് ആധാര്‍ വേണ്ടെന്ന് മന്ത്രി രാജീവ് ശുക്ല രാജ്യസഭയില്‍ കഴിഞ്ഞയാഴ്ച്ച പറഞ്ഞതോ? എന്ന് നിങ്ങള് ചോദിക്കും. അതല്ലേ ജനാധിപത്യം. ജനങ്ങളെ ശശിമാരാക്കുന്ന പരിപാടി!!
ഒരു ശരാശരി ശശിക്ക് ഇനി ചെയ്യാന്‍ കഴിയുന്നത് ഈ ---ലെ പരിപാടിക്കെതിരെ നാലു തെറിവിളിക്കാം. പിന്നെയോ? പിന്നെന്തോന്ന്? ആധാര്‍ കാര്‍ഡില്ലാത്തവര്‍ അത് സംഘടിപ്പിക്കാനൊള്ള വഴിനോക്കണം. പിന്നെ സബ്സിഡി ഒപ്പിച്ചെടുക്കണം.
ആധാര്‍ എന്നു പറയുന്ന അമൂല്യ സാധനം കിട്ടാത്തോര് ഇതുവരെ കിട്ടാത്തോര് അത് ഇന്‍റര്‍നെറ്റിലൂടെ തരപ്പെടുത്താന്‍ ഇവിടെ ക്ലിക്കണം
ക്ലിക്കുന്നേനു മുന്പ് ആധാറിന് ഫോട്ടോ എടുത്തപ്പം കിട്ടിയ സ്ലിപ്പ് കയ്യിലൊണ്ടെന്ന് ഒറപ്പാക്കണം. എന്നിട്ട് ഫില്‍ ഇന്‍ ദ ബ്ലാങ്ക്സ് വിത്ത് സ്യൂട്ടബിള്‍ വിവരംസ്. അതായത് ഓരോ കോളത്തിലും ആവശ്യമായ വിവരങ്ങള്‍ സ്ലിപ്പില്‍നിന്ന് എടുത്ത് ചേര്‍ക്കണം.
ലൈനില്‍ എന്തേലും സാങ്കേതിക തകരാറോ ഗതാഗതത്തിരക്കോ കുരുക്കോ ആണേല്‍ പലവട്ടം ശ്രമിക്കേണ്ടിവരും. ഒടുവില്‍ തെളിയുന്ന ഈ- ആധാറിന്‍റെ, അതായത് ആധാര്‍ കാര്‍ഡിന്‍റെ ഇന്‍റര്‍നെറ്റ് പതിപ്പിന്‍റെ പ്രിന്‍റൗട്ട് എടുത്താല്‍ സാധനം ഓകെ.
പിന്നെ, പാചകവാതക സബ്സിഡിക്ക് ആധാര്‍ നന്പര്‍ ഉപഭോക്തൃ നന്പരുമായി ബന്ധിപ്പിക്കുന്നത് എങ്ങനാന്ന് നാട്ടുവിശേഷത്തില്‍ നേരത്തെ സൂചിപ്പിച്ചാരുന്നു. ഏതായാലും അത് ഇവിടെ ഒന്നൂടെ പറയാം.
ആദ്യം ഇവിടെ ക്ലിക്കുക
അപ്പോള്‍ ഇവിടെ പോസ്റ്റ് ചെയ്തിരിക്കുന്ന ചിത്രത്തില്‍ കാണുന്നതുപോലെ ഒരു പേജ് തെളിയും.
ഈ പേജില്‍ നീലനിറത്തില്‍ കാണുന്ന സ്റ്റാര്‍ട്ട് എന്ന ഓപ്ഷന്‍ ക്ലിക്കണം . തുടര്‍ന്ന് തെളിയുന്ന പേജില്‍ ആവശ്യമായ വിവരങ്ങള്‍ പൂരിപ്പിക്കുക. ഇന്‍റര്‍നെറ്റ് കണക്ഷനുണ്ടെങ്കില്‍ വീട്ടിലോ സുഹൃത്തുക്കളുടെ വീട്ടിലോ ഓഫീസിലോ ഒക്കെയിരുന്ന് ചെയ്യാവുന്നതേയുള്ളൂ.
പാചകവാതക സബ്സിഡി ബാങ്ക് അക്കൗണ്ടിലേക്കാണ് വരിക. അതിന് ആധാര്‍ കാര്‍ഡും ബാങ്ക് അക്കൗണ്ടുമായി ബന്ധിപ്പിക്കണം. അതിനൊരു ഫോറമുണ്ട്. അതു വേണേല്‍ ഇവിടെ ക്ലിക്ക് ചെയ്യണം.
ഈ ഫോറം പൂരിപ്പിച്ച് നിങ്ങക്ക് അക്കൗണ്ടുള്ള ബാങ്കില്‍ കൊണ്ടുപോയി കൊടുക്കണം. അത്രേയൊള്ളൂ.
എല്ലാം മനസ്സിലായിക്കാണുവെന്നു കരുതുന്നു. ഈ ആധാറും എടുത്ത് ലിങ്കിംഗും കഴിയുന്പോ ഇതിലും കനപ്പെട്ട എന്തേലുംകൂട ചെയ്താലേ സബ്സിഡി തരത്തൊള്ളൂന്ന് പറഞ്ഞ് നമ്മളെ വഴിയാധാരമാക്കാതിരിക്കാന്‍ പ്രാര്‍ത്ഥിക്കാം
No comments:
Post a Comment