കുരുന്നുകളുടെ കലാവിരുന്നില്‍ ശിവശക്തി വാര്‍ഷികം അവിസ്മരണീയമായി

കുഞ്ഞുങ്ങളുടെ വേറിട്ട കലാപരിപാടികളും മാതാപിതാക്കളുടെ സജീവ പങ്കാളിത്തവുംകൊണ്ട് നെടുംകുന്നം കുന്നുംപുറം ശിവശക്തി പ്ലേ സ്കൂള്‍ ആന്‍റ് ഡേ കെയറിന്‍റെ അഞ്ചാം വാര്‍ഷികം അവിസ്മരണീയമായി. സ്കൂളിന്‍റെ സാരഥ്യം വഹിക്കുന്ന ധന്യ ടീച്ചറും സഹപ്രവര്‍ത്തകരും   അഭ്യുദയകാംക്ഷികളും ആഴ്ച്ചകളോളം നടത്തിയ അധ്വാനം എത്ര വലുതായിരുന്നു എന്ന് വ്യക്തമാക്കുന്നതായിരുന്നു ഓരോ കലാപരിപാടിയും.

ഒന്നര വയസുമുതല്‍ നാലര വയസുവരെയുള്ള 75ഓളം കുട്ടികള്‍ പഠിക്കുന്ന ഡേ കെയറിലെ ഭൂരിഭാഗം കുഞ്ഞുങ്ങളും വേദിയില്‍ സാന്നിധ്യമറിയിച്ചു. ദേശഭക്തിഗാനം, സംഘനൃത്തം, കവിതാലാപനം, പ്രശ്നോത്തരി തുടങ്ങി വൈവിധ്യമാര്‍ന്ന പരിപാടികളാണ് കുഞ്ഞുങ്ങള്‍ അവതരിപ്പിച്ചത്.ഏറ്റവുമൊടുവില്‍ ദേശഭക്തി ഗാനം അവതരിപ്പിക്കുന്പോള്‍ എല്ലാ കുഞ്ഞുങ്ങളും ഒന്നിച്ച് വേദിയിലെത്തി.

കുന്നുംപുറം ശ്രീവല്ലഭ ക്ഷേത്രാങ്കണത്തില്‍ നടന്ന വാര്‍ഷികാഘോഷം കുട്ടികളുടെ ദീപിക എഡിറ്റര്‍ ഇന്‍ ചാര്‍ജ് അജിതന്‍ നന്പൂതിരി  ഉദ്ഘാടനം ചെയ്തു. സ്കൂള്‍ മാനേജര്‍ സരസ്വതി അന്തര്‍ജനം അധ്യക്ഷത വഹിച്ചു. 


വാര്‍ഷികാഘോഷത്തിന്‍റെ ഏതാനും ചിത്രങ്ങള്‍ ചുവടെ